دوہاں شیواں نُوں رلان نال نقصان ہو رہیا اے،ٹک ٹاکرز تے اداکار مختلف شیواں نیں: متھیرا  ……٭رویل خبر٭

کراچی (نیوز ڈیسک) ماڈل‘ مجمان تے اداکارا متھیرا دا کہنا اے کہ حالیا دور وچ سوشل میڈیا سٹارز تے اداکاراواں وچ کوئی فرق نہیں رہیا‘ جس وجھا توں شوبز انڈسٹری نُوں نقصان ہو رہیا اے تے آن والے ویلے وچ ایہدے ہور نقصانات ساہمنے آن گے۔ نجی ٹی وی دے شو وچ گلاں کردیاں ہویاں متھیرا نے کہیا کہ شوبز انڈسٹری دے لوکاں سنے عام بندیاں نُوں وی ثقافت‘ انڈسٹری تے مذہب وچ فرق نُوں سمجھنا چاہیدا اے۔ اوہناں دا کہنا سی کہ شوبز انڈسٹری اوس ویلے ای ترقی کرے گی یاں اگے ودھے گی‘ جدوں ایہنوں انڈسٹری دے طور اُتے ویکھیا جاوے گا۔ اداکارا تے مجمان دا کہنا سی کہ انڈسٹری نُوں اگے لے جان لئی ثقافت‘ مذہب تے انڈسٹری نُوں وکھرے وکھرے تناظر وچ ویکھنا پوے گا۔