یونس خان قومی ٹیم دے بیٹنگ کوچ دے عہدے توں مستعفی……٭رویل خبر٭

لاہور (نیوز ڈیسک) پاکستان کرکٹ بورڈ تے قومی کرکٹ ٹیم دے بیٹنگ کوچ یونس خان نے آپسی اتفاق رائے نال راہواں وکھریاں کر لئیاں۔ یونس خان نُوں پچھلے سال نومبر وچ 2 سال لئی بیٹنگ کوچ مقرر کیتا گیا سی۔ پاکستان کرکٹ بورڈ دے چیف ایگزیکٹو وسیم خان دا کہنا اے کہ یونس خان ورگی قد آور تے تجربا کار شخصیت نُوں گوانا افسوسناک اے۔ دوہاں فریقین نے لمی مشاورت دے بعد آپسی اتفاق رائے نال راہواں وکھریاں کرن دا فیصلا کیتا اے۔ اوہ مختصر دورانیے لئی قومی کرکٹ ٹیم دے بیٹنگ کوچ دی حیثیت نال یونس خان دیاں خدمتاں دا اعتراف کردے نیں‘ پرامید آں کہا وہ اپنے تجربے تے قابلیت دے تبادلے لئی مستقبل وچ وی پی سی بی نُوں دستیاب ہون گے۔ پی سی بی تے یونس خان نے ایس معاملے اُتے ہور کسے وی تبصرے توں گریز کرن اُتے اتفاق کیتا اے‘ ایس لئی دورا انگلینڈ وچ قومی کرکٹ ٹیم نُوں بیٹنگ کوچ دیاں خدمتاں میسر نہیں ہون گیاں۔