کترینا دی پہلی فلم بنان د ے بعد دیوالیا ہو گئے ساں: جیکی شروف ……٭رویل خبر٭

ممبئی (نیوز ڈیسک) سینئر اداکار جیکی شروف نے بالی ووڈ فلم بوم دے فلاپ ہون دے بعد پیش آن والیاں معاشی اوکڑاں تے ایس دوران کیتی جان والی جدوجہد بارے دَسدیاں ہویاں کہیا کہ اوس ویلے اوہناں نُوں اپنا گھر ویچنا پیا تے قرضا لاہن لئی ڈبل محنت کرنی پئی پر ہُن اوہناں نے ہر اِک دا قرضا ادا کر دِتا اے۔ جیکی شروف دا کہنا سی کہ میں جاندا سی کہ اسیں کجھ نواں کیتا تے کجھ گوا دِتا تے مینوں جے ایہدی قیمت چکانی پئی تے میں چکاواں گا‘ میں ودھ توں ود ھ کم کیتا تے ہر اِک دا قرضا لاہیا تاں جے میری فیملی اُتے کوئی قرضا باقی نہ رہوے۔ بالی ووڈ اداکار نے کہیا کہ بزنس وچ لاہ چڑھا آندا رہندا اے تے ایہ ضروری نہیں کہ اسیں ہمیشا اُتے ای رہواں گے۔