ترقیاتی پروگرام دی آپ مانیٹرنگ کراں گا: بزدار ……٭رویل خبر٭

لاہور (نیوز ڈیسک) وزیر اعلا پنجاب سردار عثمان بزدار نے کہیا اے کہ 560 ارب رُپئے دے سالانا ترقیاتی پروگرام اُتے عملدرآمد لئی مانیٹرنگ یونٹ بنایا جاوے گا۔ محکمیاں نُوں 31 جولائی تک غیر منظور شدا سکیماں نُوں منظور کروان دی ہدایت کر دِتی اے۔ سکیماں دا مکمل ٹائم فریم مرتب کیتا جاو یگا۔ 560 ارب رُپئے دا اِک رُپیا وی لیپس نہیں ہون دواں گے۔ سالانا ترقیاتی پروگرام دے فنڈز دا ویلے سر تے شفاف استعمال ہر صورت یقینی بناواں گے۔ تواریخ ساز ترقیاتی پروگرام دی ذاتی مانیٹرنگ کراں گا۔ محکمے سکیماں اُتے عملدرآمد لئی جامع روڈ میپ مرتب کر کے تیزی نال اگے ودھن۔ سکیماں دا تھرڈ پارٹی آڈٹ لئی مؤثر میکانزم تشکیل دِتا جاوے گا۔