kraamaat@gmail.com
+ +92 333-430-6384


اسیں اوہی کراں گے جو پاکستان دے مفاد وچ ہووے گا:ڈاکٹر معید یوسف……٭رویل خبر٭


نمائندا رویل June 28, 2021


اسلام آباد (نیوز ڈیسک) وزیراعظم عمران خان دے مشیر برائے قومی سلامتی ڈاکٹر معید یوسف نے کہیا اے کہ امریکی صدر جے گل نہیں کرنا چاہندے تے نہ کرن پر جے اوہناں نے ڈومور دا ای کہنا اے تے بہتر اے فون نہ ای کرن۔ نجی ٹی وی نال گلبات کردیاں ہویاں اوہناں نے کہیا کہ اسیں امریکانال تعلقات خراب کرنا نہیں چاہندے سگوں اسیں چاہندے آں کہ امریکا دے نال مثبت طریقے نال گل ہووے‘ جہدے وچ پاکستان سنے خطے دا فایدا ہووے۔ معید یوسف نے کہیا کہ اسیں اوہی کراں گے جو پاکستان دے مفاد وچ ہووے گا‘ جو مفاد وچ نہیں ہووے گا اوہ نہیں کراں گے۔ ایس توں پہلے وی مشیر برائے قومی سلامتی کَہ چکے نیں کہ امریکی صدر جوبائیدن جے وزیراعظم عمران خان نال گل نہیں کرنا چاہندے تے نہ کرن ایتھے بائیڈن دا کوئی انتظار نہیں کر رہیا‘ امریکا نال تجارت سنے دو پاسی تعلقات اُتے گل ہووے گی پر ایہ گلبات صرف افغانستان تک محدود نہیں ہونی چاہیدی تے جے صرف الزامات لانے نیں تے اڈیاں دی گل ای کرنی اے تے ویلا ضایع نہ کرن‘ گڈ لک بائیڈن!۔ ڈاکٹر معید یوسف نے کہیا کہ پاکستان دہشتگردی دا شکار رہیا اے‘ ساریاں سرحداں توں ایہدے خلاف منصوبا بندی‘ حمایت تے سپانسر اُتے مبنی دہشتگردی مسلط کیتی گئی جو بدقسمتی نال اج وی اِک حقیقت اے۔