اللہ دا شکر اے بجٹ کثرت رائے نال منظور ہو گیا: شہباز گِل……٭رویل خبر٭

اسلام آباد (نیوز ڈیسک) وزیراعظم دے معاون خصوصی ڈاکٹر شہباز گل نے کہیا اے کہ اللہ دا شکر اے بجٹ کثرت رائے نال منظور ہ گیا۔ اوہ جہڑے کہندے سن منظور نہیں ہون دواں گے اج بجٹ تے اوہناں توں نہ روکیا گیا‘ ایہدے نال نال اپنے ممبران وی پورے نہ کر سکے۔ ٹویٹر اُتے اپنے بیان وچ شہباز گل نے کہیا ن لیگ جہنے بجٹ روکنا سی اوہناں دے سبھ توں ودھ ممبران غایب سن۔ تہاڈے کھوکھلے نعریاں اُتے تے تہاڈے اپنے ممبران نُوں یقین نہیں۔ شہباز گل نے مریم اورنگزیب نُوں جواب دیندیاں ہویاں کہیا کہ میں قربان جاواں تہاڈی پارٹی دی آؤٹ پُٹ اُتے۔ لندن دے فلیٹ۔ قطر دا خط۔ بجلی گھراں وچ کِک بیکس تے مسز اوباما توں سکولاں دا مال لے کے ہڑپ کر جانا ایہ سی تہاڈی لوکاں دی ٹوٹل آؤٹ پُٹ۔