kraamaat@gmail.com
+ +92 333-430-6384


 انھی لوڈشیڈنگ نال لوکائی دا جینا محال،ا شارٹ فال 5 ہزار میگا واٹ……٭رویل خبر٭


نمائندا رویل July 01, 2021


لاہور (نیوز ڈیسک)ملک وچ بجلی دا بحران شدت اختیار کر گیا‘پورے ملک وچ بجلی دی انھی لوڈشیڈنگ نال لوکائی دا جینا محال ہو گیا‘ پورے ملک وچ بجلی دا شارٹ فال 5 ہزار میگا واٹ تک اپڑ گیا جہدے کارن مختلف شہراں وچ بجلی دی غیر اعلانیا لوڈشیڈنگ جاری اے۔ وسیلیاں پاور ڈویژن دے مطابق شارٹ فال دے کارن شہراں وچ 8 گھنٹے تے پِنڈاں وچ 10 گھنٹے تک دی لوڈشیڈنگ ہووے گی‘ ڈاڈھے گرمی دے موسم وچ لمی لوڈشیڈگن نال لوکائی بلبلا اُٹھی تے اکثر علاقیاں وچ گرمی تے لوڈشیڈنگ دے ستائے شہری سڑکاں اُتے نکل آئے۔ مظاہرین نے بجلی دی لمی بندش دے خلاف احتجاج کیتا تے حکومت خلاف ڈاڈھی نعرے بازی کیتی۔ مظاہرین دا کہنا سی کہ ڈاڈھے گرم موسم وچ لمی تے غیر اعلانیا لوڈشیڈنگ دی وجھا توں راتاں دی نیندر حرام ہو گئی اے‘ شکایتاں دے ابوجود کسے دے کن اُتے جوں تک نہیں رڑکدی۔ دوجے پاسے ایس گرمی دے موسم وچ لوک گیس دی لوڈشیڈنگ وی جھیلن اُتے مجبور نیں۔