kraamaat@gmail.com
+ +92 333-430-6384


کرونا وائرس نال ہور 40 بندے چلانا کر گئے،1037 نویں روگی رپورٹ ……٭رویل خبر٭


نمائندا رویل July 02, 2021


اسلام آباد (نیوز ڈیسک) ملک وچ کرونا وائرس نال ہور 40 بندے چلانا کر گئے۔ نیشنل کمانڈ اینڈ اپریشن سینٹر ولوں جاری بیان دے مطابق پچھلے 24 گھنٹیاں دے دوران ملک وچ کرونا دی تشخیص لئی 46 ہزار 145 ٹیسٹ کیتے گئے جہناں وِچوں 1037 بندیاں وچ کرونا وائرس دی تصدیق ہوئی۔ ملک وچ ہُن تک کرونا دے مصدقا مثبت کیساں دی گنتی 958,408 ہو گئی اے جہناں وِچوں 904,320 روگی شفا یاب ہو چکے نیں۔ پچھلے دن ایس وباء نال ہور 40 بندے مرن نال ملک وچ مَوتاں د ی مجموعی گنتی 22 ہزار 321 ہو گئی اے۔ جد کہ مثبت کیساں دی شرح 2.2 فیصد اے۔ پورے ملک وچ کرونا وائرس دے فعال کیساں دی گنتی وچ کمی آئی اے تے فعال کیساں دی گنتی 31 ہزار 767 ہو گئی اے۔دوجے پاسے وزارت صحت دے وسیلیاں نے دَسیا اے کہ امریکا ولوں موڈرنا ویکسین امداد وجوں دِتی گئی اے تے ایہدیاں 25 لکھ خوراکاں اج پاکستان پہنچن گیاں۔ وزارت صحت دے وسیلیاں مطابق بیرون ملک جان والیاں نُوں موڈرنا ویکسین لان بارے چھیتی حکمت عملی طے کیتی جاوے گی۔