کرونا وباء نال ہور 24 پاکستانی واصل،مثبت کیساں دی شرح وچ وادھا‘ 2.72 فیصد ریکارڈ……٭رویل خبر٭

اسلام آباد (نیوز ڈیسک) ملک وچ کرونا وائرس نال ہور 24 بندے چلانا کر گئے جد کہ پچھلے دن ہور 1 ہزار توں ودھ نویں کیسز رپورٹ ہوئے۔ نیشنل کمانڈ اینڈ اپریشن سینٹر ولوں جاری بیان دے مطابق پچھلے 24 گھنٹیاں دے دوران ملک وچ کرونا دی تشخیض لئی 46 ہزار 941 ٹیسٹ کیتے گئے جہناں وِچوں 1277 بندیاں وچ کرونا وائرس دی تصدیق ہوئی۔ ملک وچ ہُن تک کرونا دے مصدقا مثبت کیساں دی گنتی 959,685 ہو گئی اے جہناں وِچوں 905,430 روگی شفا یاب ہو چکے نیں۔ پچھلے دن ایس وباء نے ہور 24 بندیاں دیاں زندگیاں نُوں نگل لیا۔ ایس طرحاں ملک وچ ہُن تک ایس وباء نال واصل ہون والے بندیاں دی مجموعی گنتی 22 ہزار 345 ہو گئی اے جد کہ مثبت کیساں دی شرح 2.72 فیصد اے۔