پریاکا چوپڑا دی انسٹا گرام کمائی توں سبھ  حیران، تشہیری پوسٹ لئی 3 کروڑ بھارتی رُپئے  ……٭رویل خبر٭

لاہور(نیوز ڈیسک) بالی ووڈ اداکارا پریانکا چوپڑا انسٹا گرام اُتے اپنی اِک تشہیری پوسٹ لئی 3 کروڑ بھارتی رُپئے وصول کردے نیں۔ اداکارا پریانکا چوپڑا تے ویرات کوہلی اوہ دو بھارتی شخصیات نیں جہڑے سالانا ہوپر انسٹا گرام رِچ لسٹ دی فہرست وچ تھاں بنان وچ کامیاب رہے نیں۔ ہوپر انسٹا گرام ’رچ لسٹ‘ وچ پریانکا دا 27 واں نمبر جد کہ ہولی 19 ویں نمبر اُتے موجود نیں۔ انسٹا گرام اُتے 6 کروڑ 40 لکھ فالوورز دے نال پریانکا انسٹا گرام ایپ اُتے اپنی ہر تشہیری پوسٹ لئی 4 لکھ 3 ہزار امریکی ڈالر وصول کردے نیں۔ 4 لکھ 3 ہزار امریکی ڈالر بھارتی رُپیاں وچ 3 کروڑ جد کہ پاکستانی کرنسی وچ 6 کروڑ رُپئے توں ودھ دی رقم بندی اے۔