کینسر دی جنگ وچ آسمہ نبیل میری طاقت بنے: نادیہ جمیل ……٭رویل خبر٭

لاہور(نیوز ڈیسک) حال ای وچ کینسر توں مکمل طور اُتے صحتیاب ہون والی نادیہ جمیل نے بریسٹ کینسر دے کارن انتقال کرن والی آسمہ نبیل نُوں خراج عقیدت پیش کردیاں ہویاں کہیا کہ اوہناں نُوں کینسر نال جنگ وچ آسمہ نبیل نے بہت حوصلا دِتا سی۔ نادیہ جمیل نے آسمہ نبیل دے نال اپنیاں یادگار تصویراں شیئر کردیاں ہویاں اوہناں نوں خراج عقیدت پیش کیتا تے بہترین دوست تے سنگی متھ دِتا۔ اوہناں نے کہیا کہ کینسر نال جنگ اینی مشکل نہیں سی پر جدوں علاج دے دوران کینسر دی تشخیص دے 9 مہینیاں بعد مینوں ڈپریشن دے دورے پین لگے تے آسمہ نے مینوں حوصلا دِتا۔ نادیہ جمیل نے لکھیا کہ آسمہ مینوں لمے میسجز تے وائس نوٹس اُتے مینوں خُش کرن دی کوشش کردے رہندے سن۔