اداکاری دی دُنیا وچ بہت محنت کرنی پئی: آمنہ الیاس ……٭رویل خبر٭

لاہور (نیوز ڈیسک) پاکستان شوبز انڈسٹری دی مقبول ترین اداکارا تے ماڈل آمنہ الیاس نے انکشاف کیتا اے کہ اوہناں نُوں اپنے کیریئر دی شروعات وچ ڈائیلاگز تک بولنے نہیں آندے سن جہدی وجھا توں اوہناں نُوں کافی اوکڑاں دا ساہمنا کرنا پیا۔ پچھلے دن آمنہ الیاس نے اِک نجی خبر رساں ادارے نُو ں انٹرویو دِتا جہدے وچ اوہناں نے اپنے کیریئر وچ آن والیاں اوکڑاں دے حوالے توں گلبات کیتی۔ آمنہ الیاس نے کہیا کہ جدوں اوہناں نے اداکاری دی دُنیا وچ قدم رکھیا تے اوس ویلے اوہناں نُوں ڈائیلاگز دی ادائیگی کرنی نہیں آندی سی جہدی وجھا توں اوہناں نُوں بُہت مشکل ہوندی سی۔‘ اداکارا نے کہیا کہ ’اوہناں نُوں سمجھ نہیں آندا سی کہ اوہ ڈائیلاگز دی ادائیگی دے دوران کتھے رُکن تے کتھے بولن‘ ایس لئی اوہناں نُوں اداکاری دی دُنیا وچ بہت محنت کرنی پئی۔