مائنس دیاں گلاں کرن والے ویکھ لین کہ نواز شریف ازاد کشمیر وچ ہر دن پَلس پَلس ہو رہے نیں:مریم نواز……٭رویل خبر٭

مظفر آباد (نیوز ڈیسک) مسلم لیگ (ن) دی نائب صدر مریم نواز نے کہیا کہ مائنس دیاں گلاں کرن والے ویکھ لین نواز شریف ازاد کشمیر وچ پلس‘ پلس‘ پلس ہو رہے نیں‘ زاد کشمیر دا الیکشن نہیں انقلاب اے‘ 25 جولائی نُوں ووٹ نُوں عزت دین تے ووٹ اُتے پہرا دین دا ویلا آ گیا اے‘ جے کوئی ووٹ چوری کردا پھڑیا جاوے تے اوہنوں کشمیر دی لوکائی نہ چھڈے‘ 25 جولائی نُوں لوکائی اپنی مٹی دا قرض لاہن لئی نکلے گی‘ جے ووٹ کھوہن دی کوشش کیتی تے ازاد کشمیر والے تہاڈا بُرا حال کر دین گے۔ دھیر کوٹ وچ مسلم لیگ ن دے انتخابی جلسے نال خطاب کردیاں ہویاں مریم نواز دا کہنا سی کہ دھیر کوٹ توں نیلم ویلی تک ہر پاسے نواز شریف دی گونج اے‘ ازاد کشمیر نے ن لیگ دا ساتھ دے کے تواریخ رقم کیتی‘ ساڈے آگو کہندے نیں کہ اسیں بڑے جلسے ویکھے پر پہلی وار پنج منزلا جلسا ویکھیا اے‘ مینوں خُشی اے کہ نواز شریف دیاں قربانیاں رنگ لیا رہیاں نیں‘ ضایع نہیں ہو ئیاں‘ مائنس دیاں گلاں کرن والے ویکھ لین کہ نواز شریف ازاد کشمیر وچ ہر دن پلس پلس تے پلس ہو رہے نیں۔ مریم نوا ز دا کہن سی کہ سلیکٹڈ کل باغ دے سرکاری جلسے وچ آئے سن‘ اوہناں نے باغ وچ جلسا صرف ایس لئی رکھیا کہ اوتھے اوہناں دے امیدوار دا دور دور تک تحریک انصاف نال کوئی تعلق نہیں اے‘ اوہ امیدوار صرف اِک اے ٹی ایم مشین اے‘ تے عمران خان غریباں دے کول نہیں صرف پیسیاں والیاں دے کول جاندے نیں‘ لوکائی توں ووٹ منگن والا سلیکٹڈ عام بندے دے ٹیکس دا پیسا ہیلی کاپٹر وچ پھوک کے آیا‘ پر کروڑاں سرکاری رُپئے خرچ کرن اُتے وی ایہناں نُوں کشمیر دی لوکائی نے رَد کر دِتا‘ کراچی توں خیبر تک ہر تھاں تہانوں لوکائی نے رَد کیتا‘ ایہو جہے جلسے نُوں تے جلسی وی نہیں کہیا جا سکدا‘ جے عمران خان باغ وچ جلسا نہ کردے تے ایہناں دا بھرم رہ جاندا۔ لیگی آگو نے کہیا کہ ایہ الیکشن نہیں انقلاب اے‘ 25 جولائی نُوں ووٹ نُوں عزت دین تے ووٹ اُتے پہرا دین دا ویلا آ گیا اے‘ جے کوئی ووٹ چوری کردا پھڑیا جاوے تے اوہنوں کشمیر دی لوکائی نہ چھڈے‘ 25 جولائی نُوں لوکائی اپنی مٹی دا قرض لاہن لئی نکلے گی‘ جے ووٹ کھوہن دی کوشش کیتی تے ازاد کشمیر والے تہاڈا بُرا حال کر دین گے۔