ساڈے لوک" ــــــ رویل"

کدی ساڈے دِن وی

ساڈے دِن ہوندے سی

جہناں نوں مُوریاں حدوریاں نے

کھونچلاں نوں ویچ کے

انھیریاں نوں راج دے دتے

لُٹیریاں نوں تاج دے دتے

کدی ساڈے پِنڈ وی

ساڈے پِنڈ ہوندے سی

جِہناں نوں کالیاں کلونیاں نے

جنتاں چوں کھگا کے

دوزخاں دے ڈِھڈ بھر دتے

مُدے ای گُل کر دتے

کدی ساڈے راہ وی

ساڈے راہ ہوندے سی

جہناں نوں ولاں تے ولاویں نے

دُھوڑاں چ لُکا کے

راہیاں نوں رَوڑ کر دتا

منزلاں نوں چَوڑ کر دتا

کدی ساڈے رنگ وی

ساڈے رنگ ہوندے سی

جِہناں نوں کوجھیاں تے بوجھیاں نے

کالکاں چہرلا کے

سورجاں تے ڈولھ چھڈیا

دھرتی تے رول چھڈیا

کدی ساڈے لوک وی

ساڈے لوک ہوندے سی

جِہناں نوں ڈِھڈلاں تے ڈھیڈواں نے

رَولیاں چہ پا کے

سانجھاں نوں چُور کردتا

اپنیاں توں دُور کر دتا