دین توں دُوری کارن اسیں انھیرے وچ آں: رابی پیر زادا……٭رویل خبر٭

لاہور (نیوز ڈیسک) رابی پیرزادا نے کہیا اے کہ دین توں دوری دے کارن اسیں غفلت وچ مبتلا آں۔ شوبز نُوں خیر باد کہن والی رابی پیرزادا نے اپنے اِک انٹرویو وچ کہیا اے کہ خدا دی ذات دے ساہمنے سربسجود ہوئے بغیر اوہدا قرب حاصل نہیں کیتا جا سکدا تے جہناں لوکاں نُوں دنیا وچ اللہ تعالیٰ ولوں ہدایت مل جاوے اوہی حقیقت وچ کامیاب تے خُش نصیب لوک نیں۔ رابی پیرزادا نے کہیا کہ دین توں دوری نے سانوں غفلت وچ مبتلا کر رکھیا اے تے ایہ حقیقت اے کہ جدوں میں شوبز دی رنگین دنیا نال وابستا سی تے مینوں دین دے بارے وچ بُہتا علم نہیں سی۔ اوہناں نے کہیا کہ میں جدوں دا شوبز چھڈیا اے تے دین دے بارے وچ بہت کجھ سکھیا اے تے مینوں بہت زیادا اطمینان نصیب ہویا اے۔