ندا ڈار بارے میریاں گلاں نُوں غلط انداز وچ لیا گیا: عبدالرزاق……٭رویل خبر٭

لاہو ر (نیوز ڈیسک) قومی ٹیم دے پچھلے آل راؤنڈر عبدالرزاق نے وویمن کرکٹ ٹیم دی آل راؤنڈر ندا ڈار اُتے کیتے جان والے تبصرے اُتے وضاحت پیش کردیاں ہویاں کہیا کہ میریاں گلاں نُوں غلط انداز وچ لیاگیا۔ عبدالرزاق نے ٹوئٹر اُتے جاری بیان وچ کہیا کہ اوہناں دیاں گلاں نُوں غلط انداز وچ لیا گیا‘ سنگی کرکٹر ندا ڈار بارے کیتے جان والا تبصرا ہلکے پھلکے انداز وچ پیش کیتا سی‘ ایہدا مقصد کسے نوں ناراض کرنا نہیں سی‘ الفاظ دا چناؤ تے اوہناں نُوں پیش کرن دا انداز غلط سی۔ پچھلے کھڈاری نے ہور کہیا کہ میں ندا ڈار نُوں فون کر کے اپنا موقف واضح کر دِتا سی‘ میرے دل وچ ساریاں سوانیاں لئی بے حد عزت اے‘ خاص طور اُتے سوانی کھڈاریاں لئی جہناں نے کھیڈ دے شعبے وچ زبردست کامیابی حاصل کیتی اے۔