کرونا وائرس نال ہور 37 بندے چلانا کر گئے،2145نویں روگی ……٭رویل خبر٭

اسلام آباد (نیوز ڈیسک) کرونا وائرس نال ہور 37 بندے چلانا کر گئے‘ جہدے بعد مَوتاں دی گنتی 22 ہزار 848 ہو گئی۔ پاکستان وچ کرونا دے تصدیق شدا کیساں دی گنتی 9 لکھ 93 ہزار 872 ہو گئی۔ نیشنل کمانڈ اینڈ اپریشن سینٹر دے تازا آنکڑیاں دے مطابق پچھلے 24 گھنٹیاں دے دوران 2 ہزار 145 نویں کیسز رپورٹ ہوئے‘ پنجاب وچ 3 لکھ 51 ہزار، سندھ وچ3 لکھ 58 ہزار 176، خیبر پختونخوا وچ 1 لاکھ 40 ہزار 962، بلوچستان وچ 29 ہزار 190، گلگت بلتستان وچ 7 ہزار 510، اسلام آباد وچ 84ہزار842 جد کہ ازاد کشمیر وچ 22 ہزار 192 کیسز رپورٹ ہوئے۔پورے ملک وچ ہُن تک 1 کروڑ 54 لکھ 84 ہزار 282 بندیاں دے ٹیسٹ کیتے گئے‘ پچھلے 24 گھنٹیاں دے دوران 40 ہزار 805 نویں ٹیسٹ کیتے گئے‘ ہُن تک 9 لکھ 21 ہزار 95 روگی صحتیاب ہو چکے نیں جد کہ 2 ہزار 697 روگیاں دی حالت ماڑی اے۔ پاکستان وچ کرونا نال 1 دن وچ 37 بندے واصل ہوئے جہدے بعد وائرس نال مرن والیاں دی گنتی 22 ہزار 848 ہو گئی اے۔ جد کہ مثبت کیساں دی شرح 5.25 فیصد ریکارڈ ہوئی اے۔