افغانستان وچ امن ساڈی  سدھر اے:آرمی چیف جنرل قمر جاوید باجوا ……٭رویل خبر٭

راولپنڈی (نیوز ڈیسک) آرمی چیف جنرل قمر جاوید باجوا نے کہیا اے کہ افغانستان وچ امن ساڈی دلی خاہش اے۔ دشمناں نُوں امن عمل متاثر کرن دی اجازت نہیں دواں گے۔ پاک فوج د ے شعبا تعلقات عاما (آئی ایس پی آر) دے مطابق آرمی چیف جنرل قمر جاوید باجوا نے ایہ گل افغان میڈیا دے وفد نال ملاقات دے موقع اُتے کہی۔ اوہناں دا کہنا سی کہ پاکستان تے افغانستان دا امن اِک دوجے نال جُڑیا اے۔ آرمی چیف جنرل قمر جاوید باجوا نے کہیا کہ میڈیا دی ذمے داری اے کہ اومن دشمناں دی نشاندہی کرے اوہناں نُوں شکست دیوے۔ پاک افغان یوتھ فورم نال آپسی رابطیاں نُوں فروغ ملے گا۔ آئی ایس پی آر دے مطابق آرمی چیف نے کہیا کہ پاکستان تے افغانستان دے نوجوان خطے دا مستقبل نیں۔ افغانستان وچ پائیدار امن نال خطے وچ ترقی ہووے گی۔ افغان بارڈر سیکیورٹی دوہاں ملکاں دے بہترین مفاد وچ اے۔ افغان صحافیاں نے وچار وٹاندرے دا موقع دین اُتے آرمی چیف نال تشکر دا اظہار کردیاں ہویاں کہیا کہ افغان لوکائی لئی پاکستان دی مخلصی تے کاوشاں اُتے شکر گزار آں۔ پاکستان دا افغان مہاجراں دی مجمانی تے امن عمل وچ کردار قدر جوگ اے۔