دیس وچ ایل پی جی ہور 10 رُپئے فی کلو مہنگی ہو گئی ¡وادھے بعد ایل پی جی دی فی کلو قیمت 180 رُپئے ہو گئی: وسیلے……٭رویل خبر٭

لاہور (نیوز ڈیسک) ملک وچ لیکوڈ پٹرولیم گیس (ایل پی جی) دی قیمت وچ 10 رُپئے فی کلو دا وادھا کر دِتا گیا۔ چیئرمین ایل پی جی ڈیلرز ایسوسی ایشن عرفان کھوکھر نے قیمت وچ وادھے دا اعلان کیتا۔ عرفان کھوکھر دے مطابق ایل پی جی اُتے 10 رُپئے فی کلو وادھے دے بعد قیمت 180 رُپئے فی کلو ہو گئی اے۔ اوہناں نے کہیا کہ گھریلو سلینڈر 2 ہزار 110 رُپئے تے کمرشل سلینڈر 8 ہزار 80 رُپئے دا ہو گیا اے۔ عرفان کھوکھر نے ہور کہیا کہ گلگت بلتستان وچ ایل پی جی 200 رُپئے فی کلو ہو گئی۔ اوہناں دا کہنا سی کہ اوتھے گھریلو سلنڈر 2350 رُپئے تے کمرشل سیلنڈر 9000 رُپئے تک پہنچ گیا اے۔