پنجاب: مہنگائی اہم ترین مسئلا‘ 49 فیصد دی رائے19 فیصد نے بیروزگاری نُوں سبھ توں وڈا مسئلا متھ دِتا: سروے……٭رویل خبر٭

لاہور (نیوز ڈیسک) پنجاب دے 49 فیصد شہریاں نے مہنگائی نُوں اہم ترین مسئلا متھ دِتا۔ انسٹی ٹیوٹ فار پبلک اوپینئن ریسرچ نے پنجاب دی لوکائی توں ملکی مسئلیاں بارے سروے کیتا۔ سروے مطابق پنجاب دے 49 فیصد شہریاں نے مہنگائی نُوں اہم ترین مسئلا جد کہ 19 فیصد نے بیروزگاری نُوں سبھ توں وڈا مسئلا متھ دِتا اے۔ سروے دے مطابق صوبے دے 13 فیصد شہریاں نے غربت نُوں اہم ترین مسئلا کہیا اے۔ ریسرچ دے مطابق پنجاب دے 57 فیصد شہریاں دی رائے اے کہ ملک غلط سمت وچ جا رہیا اے جد کہ 38 فیصد نے ایہدے اُلٹ رائے دِتی اے۔ یاد رہوے کہ پچھلے دی ای حکومت ولوں مہنگائی بمب سُٹیا گیا سی جہدے بعد آٹا‘ کھنڈ‘ گھیو سنے کئیاں شیواں دا مُل ودھایا گیا سی۔