فلم انڈسٹری نُوں حکومت دے دھیان دی لوڑ: مہک نور……٭رویل خبر٭

لاہور (نمایندا رویل) ساڈی فلم انڈسٹری نُوں حکومتی سرپرستی دی ضرورت اے جدوں تک زوال پذیر پاک فلم انڈسٹری دی حکومت ویلے اُتے سرپرستی نہیں کرے گی‘ فلم انڈسٹری اپنے پَیراں اُتے کھلو نہیں سکدی۔ ایہناں خیالاں دا اظہار فلم تے سٹیج دی معروف اداکارا تے پرفارمر مہک نور نے گلبات وچ کیتا۔ اوہناں نے کہیا کہ جس طرحاں فلم میکر فلم تے سینما انڈسٹری نُوں بین الاقوامی مارکیٹ اُتے لیان لئی کوشاں نیں جے حکومت ولوں مناسب سپورٹ مل جاوے تے ساڈی فلم انڈسٹری دناں وچ اپنا گواچیا مقام حاصل کر لوے گی۔ مہک نور نے کہیا کہ بڑی چھیتی ساڈی فلم انڈسٹری اِک وار ی فیر پوری دنیا وچ ایہ ثابت کر دیوے گی کہ جہڑا ٹیلنٹ پاکستان وچ اے اوہ کسے ہور ملک وچ نہیں۔