جنسی واقعات دی روک لئی حکمت عملی بنائی جاوے: مدیحہ شاہ……٭رویل خبر٭

لاہور (نمایندا رویل) نامور اداکار ا مدیحہ شاہ نے کہیا اے کہ جدوں تک حکومت اِک‘ دو جنسی درندیاں نُوں سرعام چوک چوراہے وچ نہیں لمکائے گی ایہو جہے لوک عبرت حاصل نہیں کرن گے‘ حکومت تے قانون نافذ کرن والے ادارے ودھدے ہوئے واقعات اُتے سنجیدگی نال غور کرن تے ایہناں د ے تدارک لئی حکمت عملی مرتب کیتی جاوے۔ اِک انٹرویو وچ مدیحہ شاہ نے کہیا کہ حالیا دناں وچ جس طرحاں دے واقعات ساہمنے آئے نیں ایہدے نال معاشرے خصوصن سوانیاں وچ خوف پایا جاندا اے جہنوں دور کرن دی ضرورت اے۔ حکومت اِک پاسے ایہ اعلان کر رہیا ے کہ اسیں سوانیاں نُوں قومی دھارے وچ شامل کر رہے آں تے دوجے پاسے رات دے ویلے شاہراواں اُتے سفر کرن والیاں سوانیاں محفوظ نہیں تے ایہناں نُوں درندگی دا نشانا بنایا جاندا اے۔