سوانیاں اپنی حفاظت لئی جوڈو کراٹے سِکھن: ثناء فخر……٭رویل خبر٭

لاہور (نمایندا رویل) نامور اداکارا ثناء فخر نے کہیا اے کہ سوانیاں تے بالاں نُوں اپنی حفاظت لئی جوڈو کراٹے سکھنے چاہید ے نیں‘ حالات جہڑی نہج اُتے اپڑ گئے نیں‘ سانوں بطور معاشرا سوچ وچار کر کے ایہدی اصلاح لئی اقدامات چُکنے پین گے۔ اِک انٹرویو وچ ثناء فخر نے کہیا کہ ماپے اپنیاں دھیاں نُوں اپنے دفاع بارے دَسن‘ ایس طرحاں سوانیاں وی چوکنا رہن تے معاشرے وچ جس طرحاں دے واقعات رونما ہو رہے نیں اوہنا ں دا جایزا لین تے دفاعی حکمت عملی بنان۔ میری تجویز اے کہ سوانیاں تے بالڑیاں نُوں اپنی حفاظت لئی جوڈو کراٹے سکھنے چاہیدے نیں تے ایہدی روزانا مشق کیتی جاوے۔ اداکارا نے کہیا کہ حکومت دی ذمے داری اے کہ سخت قوانین بنائے تے ایہناں اُتے عملدرآمد نُوں یقینی بنائے۔