امریکا دے افغانستان توں فرارہون اُتے شرمندا آں: انجلینا جولی……٭رویل خبر٭

واشنگٹن (نیٹ نیوز) ہالی ووڈ اداکارا انجلینا جولی دا کہنا اے کہ جس طرحاں امریکا افغانستان توں نَسیا اے بحیثیت امریکی شہری شرمندا آں۔ مشہور ہالی ووڈ سٹار انجلینا جولی نے ٹائم میگزین دے لئی لکھے گئے اداریے وچ کہیا کہ افغانستان وچ جاری جنگ اُتے تہاڈے جہڑے وی خیالات نیں پر اسیں سارے اِک گل اُتے متفق آں تے اوہ ایہ اے کہ افغان جنگ دا خاتما ایس طرحاں نہیں ہونا چاہیدا سی‘ اینے ورھیاں تک جاری قتل و غارت گری‘ قربانیاں تے جدوجہد دے بعد امریکا اقتدار نُوں منظم انداز وچ منتقل کرن وچ ناکام رہیا‘ ایہ کدی وی سوکھا نہیں سی پر اقتدار دی منتقلی ایس توں کدھرے ودھ چنگے تے محفوظ انداز وچ کیتی جا سکدی سی۔