kraamaat@gmail.com
+ +92 333-430-6384


جامعات آن لائن تعلیم دی ماترا ودھان: صدرپاکستان  ……٭رویل خبر٭


نمائندا رویل August 25, 2021


اسلام آباد (نیوز ڈیسک) صدر مملکت ڈاکٹر عارف علوی نے کہیا اے کہ جامعات آن لائن تعلیم دی ماترا ودھان‘ تحقیق تے جدت اُتے توجا دین۔ جامعات مستقبل دیاں لوڑاں دے مطابق پڑھیاراں نُوں تیار کرن لئی اپنے وژن نُوں ڈھالن۔ ریکٹر نمل یونیورسٹی‘ اسلام آباد‘ میجر جنرل (ر) محمد جعفر نے صدر عارف علوی نُوں بریفنگ دِتی۔ ایس موقع اُتے صدر عارف علوی نے کہیا کہ اعلا تعلیمی ادارے 21 ویں صدی دیاں لوڑاں د ے مطابق اعلا فکری صلاحتیاں دے حامل پڑھیار تیار کرن۔ اوہناں نے کہیا کہ ملکی معاشی ترقی لئی نوجواناں نُوں آئی ٹی دے شعبے وچ ہنر سکھان دی ضرورت اے۔ میجر جنرل (ر) محمد جعفر نے بریفنگ دوران کہیا نمل یونیورسٹی وچ 22 ہزار توں ودھ پڑھیار زیر تعلیم‘ 77 ہزار فارغ التحصیل ہو چکے۔