نیب دا ایمان عمران خان فری احتساب اے: مریم اورنگزیب ……٭رویل خبر٭

اسلام آباد (نیوز ڈیسک) مسلم لیگ ن دی ترجمان مریم اورنگزیب نے کہیا اے کہ احتساب دا گندا نظام نیب نیازی گٹھ جوڑ دا نتیجا اے‘ نیب دا ایمان عمران خان فری احتساب اے‘ عمران خان اپنی اے ٹی ایم نُوں فایدا پہنچا کے لوکائی نُوں 90 رُپئے کلو آٹا دے رہے نیں۔ اپوزیشن د ینال تماشے دی قلعی کھل چُکی اے‘ ارباں دی کرپشن دا الزام ہُن 45 لکھ تک اپڑ چُکیا اے۔ منگل نُوں اسلام آباد وچ میڈیا نال گلبات کردیاں ہویاں مریم اورنگزیب نے کہیا کہ شہباز شریف نُوں 12 اگست نُوں طلبی دا نوٹس موصول ہویا‘ اوہناں نُوں ایس توں پہلاں طلبی دا کوئی نوٹس موصول نہیں ہویا‘ شہباز شریف نُوں موصول طلبی دے نوٹس دا جواب جمع کروا دِتا‘ اسیں نیب وچ جمع کروان آئے تے اوہناں نے گھیرے وچ لے لیا۔