کپتان مینوں آرام کرن دا مشورا دِتا اے: فردوس عاشق ……٭رویل خبر٭

لاہور (نمایندا رویل) تحریک انصاف دی آگو تے پچھلے معاون خصوصی وزیر اعلا پنجاب ڈاکٹر فردوس عاشق اعوان نے کہیا اے کہ میں 10 ورھے قومی اسمبلی دی رکن رہی‘ قانون دے مطابق مینوں پنجاب اسمبلی وچ داخلے توں کوئی نہیں روک سکدا سی پر جدوں وڈے عہدیاں اُتے چھوٹے لوک بَہ جان تے انج ہونا کوئی عجیب گل نہیں‘ جویں کرکٹ وچ چنگے کھڈاریاں نُوں آرام دا مشورا دِتا جاندا اے ایسے طرحاں میرے کپتان نے مینوں کجھ دن آرام دا مشورا دِتا اے‘ سیاست وچ بھرم ای سیاستدان دی طاقت ہوندا اے‘ اِک بندے نے جے اپنا قد چھوٹا کرن دی کوشش کیتی اے تے میں ایہدے اُتے کجھ نہیں کَہ سکدی‘ جدوں بھرم ٹٹدے نیں تے سیاست دے بُت وی پاش پاش ہوندے نیں۔