بلاول، پنجاب تے شہباز شریف، سندھ دا دورا کرن گے ……٭رویل خبر٭

کراچی (نیوز ڈیسک) موجودا ملکی سیاسی صورتحال دے تحت بلاول بھٹو زرداری پنجاب تے میاں شہباز شریف سندھ دا دورا کرن گے۔ وسیلیاں دے مطابق مسلم لیگ ن دے صدر شہباز شریف خصوصی دورے اُتے 28 اگست نُوں کراچی اپڑن گے۔ وسیلیاں دے مطابق شہباز شریف اپنے دورے دے دوران کراچی وچ ہم خیال سیاستداناں نال ملاقات کرن گے جد کہ اوہناں دی پیر پگارا نا وی ملاقات متوقع اے۔ دوجے پاسے پیپلز پارٹی دے چیئرمین بلاول بھٹو زرداری آندے ہفتے پنجاب دا دورا کرن گے۔ بلاول بھٹو پنجاب وچ مختلف تنظیمی اجلاساں وچ رلت کرن گے۔ وسیلیاں مطابق 28 اگست نُوں پی ڈی ایم دا اگوائی اجلاس کراچی وچ ہووے گا۔ 29 اگست نُوں پی ڈی ایم دے تحت باغ جناح کراچی وچ جلسا عام ہوو یگا۔