آئی سی سی ولوں نویں ٹیسٹ رینکنگ جاری،قومی فاسٹ بولر شاہین شاہ آفریدی تے بابراعظم دی ترقی……٭رویل خبر٭

لاہور (اُچیچانمایندا) انٹرنیشنل کرکٹ کونسل نے نویں ٹیسٹ رینکنگ جاری کر دِتی اے جہدے مطابق شاہین شاہ آفریدی صف اول دے 10 بہترین بولرز دی فہرست وچ تھاں بنان وچ کامیاب ہو گئے نیں۔ کھبے ہتھے دے پیسر ویسٹ انڈیز دے خلاف سیریز وچ شاندار پرفارمنس دے بعد رینکنگ وچ 10 درجے ترقی پا کے 8 ویں پوزیشن اُتے اپڑ چُکے نیں۔ بولرز وچ پیٹ کمنز پہلے نمبر اُتے نیں‘ ٹم ساؤتھی دا دوجا تے جوش ہیزل ووڈ دی تیجی پوزیشن اے‘ حسن علی 17 ویں جد کہ محمد عباس دی 18 ویں پوزیشن اے۔ بیٹنگ وچ پاکستانی ٹیم دے کپتان بابراعظم اِک درجے بہتری دے نال 7 ویں پوزیشن اُتے آ گئے نیں‘ کین ویلیمسن دی پہلی پوزیشن برقرار رہی‘ جوروٹ دا دوجا نمبر اے۔