ویسٹ انڈیز خلاف جت سانجھی محنت دا سِٹا،فواد عالم دے نال پارٹنر شپ سانوں میچ وچ واپس لیائی:  بابر اعظم……٭رویل خبر٭

جمیکا(اُچیچانمایندا) قومی کرکٹ ٹیم دے کپتان بابر اعظم نے کہیا اے کہ ویسٹ انڈیز دے خلاف دوجے میچ وچ جت پوری ٹیم دی سانجھی محنت دا نتیجا اے۔ میڈیا نال گلبات کردیاں ہویاں اوہناں نے کہیا کہ جدوں وی جت ملدی اے بطور کپتان بہت اعتماد ملدا اے‘ سارے کھڈاریاں نے شاندار کھیڈ پیش کیتا۔ اوہناں نے کہیا کہ وکٹ توں مدد نہیں ملی تے فیلڈنگ پوزیشنز بدل کے حریف ٹیم اُتے دباء ودھان دا فیصلا کیتا۔ اوہناں نے کہیا کہ خُشی اے کہ پہلی اننگز وچ چھیتی وکٹاں گوان دے باوجود فواد عالم دے نال پارٹنر شپ سانوں میچ وچ واپس لیائی۔ اوہناں نے کہیا کہ شاہین شاہ آفریدی نے شاندار باؤلنگ دا مظاہرا کیتا‘ شاہین چنگی باؤلنگ نال مجمان ٹیم نُوں بیک فٹ اُتے ای رکھیا۔