وسیم اکرم‘ گھروالی تے دھی نال ملن میلبورن اپڑ گئے……٭رویل خبر٭

میلبور ن (نیٹ نیوز)قومی کرکٹ ٹیم دے پچھلے کپتان لیجنڈری کرکٹر وسیم اکرم گھروالی شنیرا اکرم تے دھی عائلہ نال لمی مدت بعد ملن میلبورن اپڑ گئے۔ واضح رہوے کہ پچھلے ورھے توں شنیرا دھی دے نال کرونا وباء دے کارن سفری پابندیاں دے کارن آسٹریلیا وچ ای پھسے ہوئے نیں۔ وسیم اکرم نے اپنی اِک انسٹا گرام پوسٹ و چ دَسیا کہ اوہ چھیتی گھروالی تے دھی نال ملن والے نیں۔ وسیم اکرم نے کہیا کہ میرے اکلاپے دے 6 دن مکمل ہو گئے نیں‘ باقی 8 دن رہ گئے نیں‘ مینوں اپنا آپ اِک جنگل محسوس ہو رہیا اے۔ پچھلے کھڈاری نے آپ ای دَسیا کہ میں میلبورن وچ آں تے گھروالی تے دھی نا ل ملن آیا آں۔ وسیم اکرم دی سیلفی تے پوسٹ د ے جواب وچ شنیرا نے کہیا کہ اوہ تے عائلہ تہاڈے نا ل ملن لئی بیتاب نیں۔