سلیکھ چیتر ایوارڈ واسطے فکشن تے تنقیددیاں کتاباں 5 جنوری 2022 تک جمع کروائیاں جا سکدیاں نیں۔۔۔۔٭رویل خبر٭

لاہور ( اُچیچا نمایندا) سلیکھ چیتر ایوارڈ ولوں چالُو ورھے چھپیاں کتاباں انعام لئی جمع کروان لئی تاریخ مِتھ لئی گئی اے جس دا ویروا کجھ انج اے2020ء تے 2021ء و ِچ چھپن والی مصنف دی پہلی فکشن (ناول یا کہانیاں) دی کتاب دے پنج (5) نسخے شناختی کارڈ دی کاپی نال سُلیکھ دے پتے تے رجسٹری ڈاک یا کورئیر راہیں یا دستی بھیجے جا سکدے نیں۔ کتاب وچ گھٹو گھٹ پنتالی ہزار (45,000) شبد ہونے چاہیدے نیں۔ آئی ایس بی این (ISBN) دے بغیر کوئی کتاب وصول نہیں کیتی جائے گی۔ کتاباں دے کسے ّ پنے اُ ّتے کوئی ہتھ لکھت نہیں ہونی چاہیدی‘ ضرورت ہووے تے خط دا اِستعمال کرنا چاہیدا اے ۔ ایس دے نال نال پی ڈی ایف (PDF) دا اِک نسخا‘ ای میل راہیں بھیجنا لازمی اے۔ ’’تنقید دی کتاب‘‘ لئی پہلی کتاب ہوون دی کوئی شرط نہیں۔

کتاباں بھجواؤن دی آخری تاریخ 05؍ جنوری 2022ء شام پنج (5) وجے تیک اے۔کتاباں دی وصولی 16؍ اکتوبر 2021ء نوں صبح یارھاں (11) وجے توں شام پنج (5)وجے تیک کیتی جائے گی۔ 16؍ اکتوبر 2021ء توں پہلاں کوئی کتاب وصول نہیں کیتی جائے گی۔

سلیکھ چیتر ایوارڈ والیاں دا کہنا اےساڈے مقرر کیتے گئے ججاں تے جیوری دا فیصلا حتمی تصو ّر کیتا جائے گا‘ جس نوں اِنعاماں دی َونڈ مگروں کسے فورم یا عدالت و ِچ چیلنج نہیں کیتا جا سکے گا۔ایوارڈاں دی تقریب مارچ 2022ء دے تیجے ہفتے و ِ چ ہووے گی اَتے ایس تقریب دی تاریخ‘ وقت تے جگہ دے بارے مارچ 2022ء دے دُوجے ہفتے و ِچ اعلان کیتا جائے گا۔سُلیکھ دا کوئی رُکن ایوارڈ لئی اپنی کتاب بھجواؤن دا اَہل نہیں ہووے گا۔