kraamaat@gmail.com
+ +92 333-430-6384


ارشاد سندھو ہوراں دی نعتیہ شاعری ۔۔۔۔٭ رویل شاعری٭


ارشاد سندھو October 07, 2021


پُھلاں وچ خشبو نہ ہوندی

تاریاں اندر لوء نہ ہوندی

چن دا کوئی حال نہ ہوندا

جے آمنہ دا لعل نہ ہوندا

رُتاں وچ سرور نہ ہوندا

دھرتی اُتے نور نہ ہوندا

کُجھ وی آل دوال نہ ہوند

جے آمنہ دا لعل نہ ہوندا

جیون دے سبھ ڈھنگ وی پِھکے

رہندے سارے رنگ وی پِھکے

کِتے وی رُوپ جمال نہ ہُندا

جے آمنہ دا لعل نہ ہوندا

جگ تے کوئی غمخار نہ لبھدا

نفرت لبھدی، پیار نہ لبھدا

کوئی کِسے دے نال نہ ہوندا

جے آمنہ دا لعل نہ ہوندا

بَدّل تے برسات نہ ہوندی

دِن نہ ہوندے، رات نہ ہوندی

مہیناتےکوئی سال نہ ہوندا

جے آمنہ دا لعل نہ ہوندا

خالی سبھ دا پَلّا رہندا

بیٹھا رب وی کَلّا رہندا

عرش وی مال و مال نہ ہوندا

جے آمنہ دا لعل نہ ہوندا

*****