kraamaat@gmail.com
+ +92 333-430-6384


چُونڈیاں ۔۔۔۔۔۔٭رویل کالم٭


احمد نعیم ارشد October 08, 2021


چُونڈیاں ۔۔۔۔۔۔٭رویل کالم٭

حکیم احمد نعیم ارشد

"آف شور کمپنیاں بنانا کوئی گناہ نہیں"

پرانے وقتاں دی گل اے کسے پِنڈ دے پنڈت دے منڈے نے گھوڑے دا گوشت کھا لیا پنڈ دے لوکاں وچوں اک بندا پنڈت ہوراں کول گیا تے جاکے آکھن لگا پنڈت جی پنڈ دے اک بندے نیں گھوڑے دا ماس کھا لیا اے پنڈت ہوری اوسے ویلے آکھن لگے ہائے رام، ہائے رام ہری اوم ، انرتھ ہو گیا،دھرم بھرشٹ ہوگیا، سارا پِنڈ اپوتر کر دِتا مورکھ نے ،اوہنوں پنڈ چوں کڈھو تے پنڈ دے دوالے گنگا جل دا چھڑکاؤ کرو پنڈت اکو ساہے بولی جا رہیا سی جدوں چُپ ہویا تے بندا آکھن لگا پنڈت جی گوشت کھان والا کوئی ہور نہیں تہاڈا اپنا پُتر منوہر لال اے

ہیں! پنڈت ہوراں تے سکتہ طاری ہوگیا ایدھر اودھر ویکھیا کوئی نظر نہ آیا تے آکھن لگے مورکھ صبر کر مینوں لال کتاب وچ ویکھ لین دے پنڈت ہوری اندر گئے تے کجھ دیر بعد باہر آکے آکھن لگے

سُن لے میتھوں صاف جواب

کہندی میری لال کتاب

جے ہے پُت منوہر لال

کھوتا گھوڑا سبھ حلال