بجلی دے مُل وچ پہلی اکتوبر توں اِک رُپئے 95 پیسے فی یونٹ وادھا  ……٭رویل خبر٭

اسلام آباد (نیوز ڈیسک) نیپرا ولوں اگست دے مہینا وار فیول چارجز ایڈجسٹمنٹ دی مد وچ بجلی دی قیمت وچ 1 رُپئے 95 پیسے فی یونٹ وادھے دی منظوری دا نوٹیفکیشن جاری ہو گیا۔ جاری نوٹیفکیشن دے مطابق سی پی پی اے۔ جی نے 2 رُپئے 7 پیسے فی یونٹ وادھے دی درخاست کیتی سی۔ اتھارٹی نے 30 ستمبر 2021 نُوں ایف سی اے اُتے عوامی سنوائی کیتی سی۔ ایہدا اطلاق صرف اکتوبر دے مہینے دے بلاں اُتے ہووے گا‘ نوٹیفکیشن دے مطابق ایہ اطلاق ڈسکوز دے سارے صارفین سوائے لائف لائن صارفین اُتے ہووے گا۔ فیول پرائس ایڈجسٹمنٹ دا اطلاق کے الیکٹرک صارفین اُتے وی نہیں ہووے گا۔