فلور ملز مالکاں دا  منگاں نہ پورے ہون اُتے ہڑتال دا فیصلا ……٭رویل خبر٭

لاہور (نیوز ڈیسک) فلور ملز ایسوسی ایشن دا کہنا اے کہ مطالبے تسلیم نہ ہوئے تے منگل توں پورے صوبے وچ ہڑتال کیتی جاوے گی۔ وسیلیاں دے مطابق فلور مل مالکان نے حکومت نُوں مطالبیاں دی منظوری لئی پیر تک دی ڈیڈ لائن دے دِتی اے‘ کنک دی اجرائی پالیسی دے حوالے توں پریس کانفرنس کردیاں ہویاں پاکستان فلور ملز ایسوسی ایشن دے چیئرمین طاہر حنیف دا کہنا سی کہ ہور ضلعیاں توں 25 فیصد کنک دا کوٹا چُکن دی شق نُوں ختم کیتا جاوے۔ طاہر حنیف دا کہنا سی کہ فلور ملز سرکاری کوٹے توں نہ کنک چُکے گی نہ کوئی ایگریمنٹ کرے گی‘ 20 کلو آٹے دے تھیلے دے بھاء دا نویں سرے توں جایزا لیا جاوے‘ مطالبات تسلیم نہ ہوئے تے سارے ضلعیاں وچ فلور ملز مالکان اپنیاں میٹنگز کرن گیتے مشاورت دے بعد منگل توں صوبے وچ ہڑتال کیتی جاوے گی۔