مینار پاکستان کیس وچ نواں موڑ،ٹک ٹاکر عائشہ اکرم نے اپنے ای سنگی ریمبو نُوں مجرم بنا دِتا ……٭رویل خبر٭

لاہور (نیوز ڈیسک) گریٹر اقبال دُکھانت کیس وچ نواں موڑ آ گیا۔ متاثرا سوانی عائشہ اکرم نے ہیرو نُوں ولن بنا دِتا۔ عائشہ اکرم نے سارے واقعے دا ذمے دار اپنے سنگی ریمبو نُوں ٹھہرا دِتا۔ عائشہ نے ڈی آئی جی انوسٹی گیشن نُوں تحریری بیان جمع کروا دِتا جہدے وچ کہیا گیا کہ گریٹر اقبال پارک جان دا پلان ریمبو نے ای بنایا سی‘ ریمبو نے اپنے سنگیاں د ینال میریاں نازیبا ویڈیوز بنا رکھیاں نیں‘ ایہناں ویڈیو ز دی وجھا توں ریمبو مینوں بلیک میل کردا رہیا۔ عائشہ اکرم نے الزام لایا کہ ریمبو مینوں بلیک میل کر کے 10 لکھ رُپئے لے چُکیا اے‘ میں اپنی تنخاہ وِچوں ادھے پیسے ریمبو نُوں دیندی سی۔ ریمبو اپنے سنگی بادشاہ نال رَل کے ٹک ٹاک گینگ چلاندا اے۔