کووڈ نُوں ہران دے اِک ورھے بعد رَوگیاں دے دل نُوں نقصان اَپڑن دا انکشاف ……٭رویل خبر٭

واشنگٹن(نیٹ نیوز)کووڈ 19 دے روگیاں دے دل نُوں اپڑن والے نقصان بیماری دے ابتدائی مرحلے تک ای محدود نہیں سگوں ایہنوں شکست دین دے اِک ورھےبعد وی ہارٹ فیلیئر تے جان لیوا بلڈ کلاٹس (خون جمن یاں لوتھڑے بنن) دا خطرا ہوندا اے۔ میڈیا رپورٹاں مطابق ایہ گل امریکا وچ ہون والی اِک نویں طبی تحقیق وچ ساہمنے آئی اے۔ تحقیق مطابق کووڈ 19 دے روگیاں وچ دل دیاں جان لیوا پیچیدگیاں دا خطرا ہلاکتاں وچ نمایاں وادھا کر سکدا اے۔