رمیز راجا دی حکمت عملی کامیاب، نیوزی لینڈ دورا پاکستان لئی راضی ہو گیا ……٭رویل خبر٭

ویلنگٹن (نیٹ نیوز) نیوزی لینڈ ولوں پاکستان دا دورا ری شیڈول ہون دا فیصلا اِک ہفتے وچ متوقع اے۔ وسیلیاں دے مطابق نیوزی لینڈ کرکٹ بورڈ نُوں اپنی غلطی دا احساس ہو گیا اے‘ ایس حوالے توں کیوی میڈیا دی رپورٹ وچ دَسیا گیا اے کہ نیوزی لینڈ کرکٹ دے آگو ڈیوڈ وائٹ نے پاکستان کرکٹ بورڈ دے چیئرمین رمیز راجا نال رابطا کیتا اے تے پاکستان دا دورا ری شیڈول کرن دے حوالے توں گل کیتی۔ نیوزی لینڈ میڈیا رپورٹ وچ دَسیا گیا اے کہ پاکستان دا دورا ری شیڈول ہون دا فیصلا اِک ہفتے وچ متوقع اے‘ تے فیوچر ٹور پروگرام 2023 توں پہلے ای دورا ری شیڈول ہو سکدا اے۔