kraamaat@gmail.com
+ +92 333-430-6384


بارھاں ربیع الاول تک دہاکا شان رحمت اللعالمینؐ مناون دا اعلان ……٭رویل خبر٭


نمائندا رویل October 09, 2021


لاہور (نمایندا رویل) وزیر اعلا پنجاب سردار عثمان بزدار نے پورے صوبے وچ پہلی ربیع الاول توں 12 ربیع الاول تک دہاکا شان رحمت اللعالمینؐ مناون دا اعلان کردیاں ہویاں کہیا اے کہ تحصیل‘ ضلع‘ ڈویژن تے صوبائی سطح اُتے شان رحمت اللعالمینؐ دے حوالے توں خصوصی تقریبات‘ محفلاں ہون گیاں۔ مرکزی رحمت اللعالمینؐ کانفرنس‘ عالمی مشائخ علماء کانفرنس‘ انٹرنیشنل میلاد مصطفی دا انعقاد کیتا جاوے گا۔ صوبائی سطح اُتے نعتیہ مشاعرا تے مقابلا حسن نعت تے ہور تقریباں منعقد ہون گیاں۔ پورے صوبے وچ خطاطی دیاں نمائشاں تے مقابلے منعقد ہون گے۔ پناہ گاہواں‘ ہسپتالاں‘ یتیم خانیاں تے اولڈ ہاؤسز وچ خصوصی کھانے پیش کیتے جان گے۔