لکس ایوارڈ‘کیریئر دی سبھ توں خوبصورت پرفارمنس دِتی: ریشم ……٭رویل خبر٭

لاہور(نمایندا رویل)لکس ایوارڈ وچ اداکارا ریشم دی شاندار پرفارمنس دے ہر پاسے چرچے ہو رہے نیں۔ ایس حوالے توں ریشم گلبات کردیاں ہویاں کہیا کہ جے میں ایس پرفارمنس نُوں اپنے کیریر دی سبھ توں خوبصورت پرفارمنس کہواں تے ایہ بلکل غلط نہیں ہووے گا۔ اداکارا نے کہیا کہ جدوں میں ایہدی ریہرسل کر رہی سی تے میرے دماغ وچ ایہنوں بہتر توں بہترین کرن دی جستجو چل رہی سی تے میں ایہدے وچ کامیاب رہی۔ اوہناں نے کہیا کہ میں کلّی ایہدا کریڈٹ نہیں لواں گی سگوں ایہدے لئی کئی لوکاں نے محتن کیتی تے اسیں سارے کامیاب ہوئے۔ میں بلکل ایہدی قائل نہیں کہ کامیابی اُتے سارا کریڈٹ آپ سمیٹ لواں تے ناکامی اُتے سبھ کجھ دوجیاں دے سر تھوپ دِتا جاوے۔