عمر شریف ورگی شخصیت نُوں شاید ای کدی بھلایا جا سکے گا،اوہ انسانیت نال پیار تے غم ونڈدے سن: سینئر اداکار سہیل احمد ……٭رویل خبر٭

لاہور(نمایندا رویل)سینئر اداکارسہیل احمد نے کہیا اے کہ عمرشریف ایہو جہی شخصیت دے مالک سن جہناں نُوں شاید ای کدی بھلایا جا سکے گا‘ اوہناں دی شخصیت دا دوجا پہلو جہڑا کئی لوکاں دیاں نظراں توں اوجھل اے اوہ انسانیت نال پیار تے عملی اقدام کر کے اوہناں دے غم ونڈدے سن۔ اِک انٹرویو وچ اوہناں نے کہیا کہ عمر شریف دے نا جنا وی ویلا لنگھیا اوہناں نُوں کدی وی کسے دی بُرائی کردیاں ہویاں نہیں سُنیا‘ اوہناں وچ تکبر ناں دی کوئی شے نہیں سی سگوں اینا وڈا سٹار ہون دے باوجود اوہ جونیئرز نُو ں ہتھ پھڑ کے اگے لیاندے سن۔ سہیل احمد نے کہیا کہ عمر شریف نے ساری عمر لوکاں نُوں ہسایا تے ایہو وجھا اے کہ جدوں اوہ دنیا توں رخصت ہوئے تے لوک اتھروواں نال اوہناں لئی روئے۔