اسیں اک پیج اُتے آں چھیتی معاملا نبیڑ لواں گے، نوٹیفیکیشن معاملے نوں غلط رنگ نہ دِتا جاوے:عمران خان……٭رویل خبر٭

اسلام آباد (نیوز ڈیسک) وزیراعظم عمران خان نے ڈی جی آئی ایس آئی دے نوٹیفیکیشن دے معاملے اُتے وفاقی کابینا نوں اعتماد وچ لیندیاں ہویاں کہیا کہ اسیں سارے اک پیج اُتے آں چھیتی معاملا حل کر لواں گے۔ تفصیلات مطابق منگل دے دیہاڑے وفاقی کابینا دا اجلاس وزیراعظم دی صدارت ہیٹھ ہویا۔ اجلاس وچ ڈاکٹر عبدالقدیر خان لئی فاتحہپڑھیگئی۔ اجلاس وچ ملکی سیاسی تے معاشی صورت حال دا جایزا لیا گیا تے افغانستان دی صورت حال اُتے وی وچار وٹاندرا کیتا گیا۔ کابینا نے کئی ایجنڈا آیٹمز دی منظوری دے دِتی۔ وفاقی کابینا نے احتجاجی مظاہریاں نال نبڑن لئی سپیشل رایٹس فورس دے قیام دی منظوری دے دِتی اے جد کہ پیمرا کونسل آف کمپلینٹس دی نویں تشکیل دی منظوری دے دِتی۔ سی پیک کیٹیگری دے ویزے وچ اتھارٹی نوں بطور اہم سٹَیک ہولڈر شامل کرن تے افغان شہریاں دی پاکستان آمد لئی ویزا فیس وچ کمی دی منظوری دے دِتی گئی۔ سمندر پار پاکستانیاں لئی پاور آف اٹارنی دے اجراء لئی آٹومیشن نظام متعارف کران دی منظوری وی دِتی گئی۔ کابینا کمیٹی برائے ٹرانسپورٹ تے لاجسٹک دے فیصلیاں دی توثیق موخر کر دِتی گئی۔ وسیلیاں مطابق کابینا نوں زرعی شعبیاں وچ اجارا داری دے خاتمے وچ پیداوار ودھان دے جدید طریقے کار اُتے بریفنگ دِتی گئی۔ کے ٹو ایئرویز دے ڈومیسٹک لایسنس دی تجدید تے سیال ایئر ویز لمیٹڈ دے ڈومیسٹک تے انٹرنیشنل لایسنس دی تجدید دی منظور دے دِتی گئی۔ اجلاس وچ مختلف وزارتاں‘ ڈویزنز وچ خالی اسامیاں بارے اسٹیبلشمنٹ ڈویزن نے رپورٹ پیش کیتی کابینا نے پیمرا کونسل آف کمپلینٹس دی نویں تشکیل دی منظور دے دِتی۔ اجلاس وچ مظاہریاں نوں ہینڈل کرن لئی سپیشل رایٹس فورس دے قیام دی منظوری وی دِتی گئی۔ وسیلیاں مطابق سی پیک کیٹیگری دے ویزے وچ اتھارٹی نوں بطور اہم سٹَیک ہولڈر شامل کرن تے افغان شہریاں دی پاکستان آمد لئی ویزا فیس وچ کمی دی منظوری دِتی گئی اے۔ ایس توں وکھ سرکاری میڈیکل تے ڈینٹل کالجاں وچ داخلے لئی میرٹ دا نظام وفاقی ریگولیٹر دے ماتحت کرن دی منظوری دِتی گئی اے۔ اجلاس وچ ای سی سی دے فیصلیاں دی توثیق وی کر دِتی گئی اے۔ سمندر پار پاکستانیاں لئی پاور آف اٹارنی دے اجراء لئی آٹومیشن نظام متعارف کران دی منظوری دے دِتی گئی۔ کابینا نے کابینا کمیٹی برائے ٹرانسپورٹ تے لاجسٹک دے فیصلیاں دی توثیق موخر کر دِتی۔ وسیلیاں مطابق اجلاس وچ وزیراعظم عمران خان نے ڈی جی آئی ایس آئی دی تعیناتی دے نوٹیفیکیشن دے معاملے اُتے کابینا ارکان نوں اعتماد وچ لیا۔ وزیراعظم نے واضح کیتا کہ نوٹیفیکیشن دے معاملے نوں غلط رنگ نہ دِتا جاوے‘ اسیں سارے اک پیج اُتے آں چھیتی معاملا حل کر لواں گے۔ وسیلیاں مطابق ایم کیو ایم ولوں کابینا وچ مطالبا کیتا گیا اسلام آباد دا ایئرپورٹ ڈاکٹر عبد القدیر خان دے ناں نال منسوب کیتا جاوے۔ وفاقی وزیر امین الحق نے کہیا کسے شہر یاں ساینسی عمارت نوں ڈاکٹر عبد القدیر خان دے ناں نال منسوب کیتا جاوے۔ وسیلیاں نے ہور دسیا کہ کابینا اجلاس وچ ایم کیو ایم نے انتخابی اصلاحات وچ اعتماد وچ نہ لین دا شکوا کر دِتا۔ امین الحق دا کہنا سی اسیں اتحادی آں انتخابی اصلاحات وچ سانوں اعتماد وچ لوو‘ جے اعتماد وچ نہیں لوو گے تے ساتھ دینا اوکھا ہووے گا۔ ایہدے اُتے وزیراعظم عمران خان نے ا مین الحق نوں مخاطب کردیاں ہویاں کہیا تہاڈا شکوا جایز اے ایم کیو ایم نوں اعتماد وچ لواں گے جد کہ جی ڈی اے نے وی انتخابی اصلاحات دے معاملے اُتے ایم کیو ایم دی حمایت کر دِتی۔ کابینا اجلاس دے بعد میڈیا نوں بریفنگ دیندیاں ہویاں وفاقی وزیر اطلاعات تے نشریات فواد چودھری نے کہیا اے کہ پاکستان دی سِول تے ملٹری وچکار بہت آئیڈیل تعلقات نیں‘ نویں ڈی جی آئی ایس آئی دی تقرری لئی قانونی طریقا کار اختیار کیتا جاوے گا۔ وزیراعظم آفس کدی وی کوئی ایہوجہیا قدم نہیں چکے گا جہدے نال پاکستان دی فوج یاں پاکستان دے آگو دی عزت وچ کمی ہووے تے پاکستان دی فوج یاں آگو وی کوئی ایہوجہیا قدم نہیں چکن گے جہدے نال وزیراعظم یاں سول سیٹ اپ دی عزت وچ کمی ہووے۔ شوکت دے سینٹ دا الیکشن لڑن دے حوالے نال گل ہو چکی اے۔ آئینی تے قانونی طریقے مطابق اپنا کم جاری رکھاں گے‘ کہ وزیراعظم موجود نہیں سن ورنا ڈاکٹر عبدالقدیر خان دے جنازے وچ ضرور شریک ہوندے۔ سارے کابینا ارکان نے رلت کیتی سی۔ بلوچستان وچ اک مسئلا چل رہیا اے‘ ساڈی سدھراے مضبوطیہووے تے سیاسی تے آئینی طریقا کار انوسارچیزاں اگے ودھنیاں چاہیدیاں نیں۔