سپریم کورٹ ولوں سرکاری ملازماں دے بالاں نوں نوکری دین بارے اہم فیصلے،پیو دی تھاں پُتر نوں نوکری دین دا قانون ای عجیب و غریب:چیف جسٹس……٭رویل خبر٭

اسلام آباد (نیوز ڈیسک) سپریم کورٹ آف پاکستان نے سروس دوران چلانا کر جان والے ملازماں دے بچیاں نوں نوکری دین توں متعلق فیصلے وچ واضح کیتا اے کہ سرکاری ملازمت دے اہل اوہی بچے ہون گے جہناں دے والد دا انتقال 2005 دے بعد ہویا ہووے۔ اپنے بیان وچ عدالت عظما نے کہیا کہ سرکاری ملازمت دے اہل اوہی بچے ہون گے جہناں دے والد دا انتقال 2005 دے بعد ہویا ہووے۔ 2005 توں پہلے انتقال کرن والے سرکاری ملازماں دے بچیاں اُتے وزیراعظم پیکج لاگو نہیں ہوندا۔ چیف جسٹس نے کہیا کہ پیو دی تھاں پُتر نوں نوکری دین دا قانون ای عجیب و غریب اے۔ سرکاری دفتر وراثت وچ ملن والی چیز تے نہیں۔ ایس طرحاں نوکریاں دین نال میرٹ دا مکمل خاتما ہوندا اے۔ اوہناں نے کہیا کہ اِنج نہیں ہو سکدا کہ پیو دا انتقال ہووے تے پتربھرتی ہو جاوے۔ جسٹس مظہر عالم میاں خیل نے کہیا کہ مُڈھلے طور اُتے ایہ قانون پولیس تے ہور شہیداں لئی سی۔ چیف جسٹس نے کہیا کہ گھٹ آمدن والے ملازماں لئی قانون بنیا سی پر بھرتی افسراں دے بچے ہوندے۔ اوہناں نے کہیا کہ اے ایس آئی دا پتر کہندا اے ڈایریکٹ ڈی ایس پی بھرتی کرو۔ ایڈیشنل اٹارنی جنرل نے کہیا کہ وزیراعظم پیکج دا اطلاق 2005 توں ہوندا اے۔ درخاست گزار نے کہیا کہ اپنے پیو دی تھاں بھرتی ہون دی درخاست دِتی جہڑی وفاقی وزارت تعلیم نے رد کر دِتی۔ سراج محمد نے کہیا کہ پشاور ہائیکورٹ نے مینوں بھرتی کرن دا حکم دتا اے۔ قربانی تے ساریاں دی برابر ہوندی 2005 توں پہلے دی ہووے یاں بعد دی۔ عدالت عظما نے پشاورت ہائیکورٹ دا فیصلا کالعدم قرار دے دِتا۔ سراج محمد دے والد لعل محمد 2000 وچ سروس دوران چلانا کر گئے سن۔