دسویں تے بارہویں جماعت دا رزلٹ،پنجاب کابینا پالیسی دی منظوری دے دِتی‘ سمری عثمان بزدار کول ……٭رویل خبر٭

لاہور (نیوز ڈیسک) 10 ویں تے 12 ویں جماعت دے رزلٹ د ے اعلان دے معاملے اُتے پنجاب کابینا نے گریس مارکس دین تے رزلٹ بارے پالیسی دی منطوری دے دِتی اے جد کہ کابینا نے منظوری دے بعد سمری وزیر اعلا پنجاب نُوں گھل دِتی اے۔ وسیلیاں دے مطابق 9 ویں تے 10 ویں دے رزلٹ دا اعلان دے معاملے اُتے صوبائی کابینا نے تھرو سرکولیشن گریس مارکس دین تے رزلٹ دا اعلان بارے پالیسی دی منظوری دے دِتی اے‘ پنجاب کابینا دی منظوری دے بعد سمری وزیر اعلا پنجاب نُوں گھل دِتی گئی اے۔ وزیر اعلا عثمان بزدار دی منظوری دے بعد ہائر ایجوکیشن ولوں دو دن وچ رزلٹ دا اعلان کر دِتا جاوے گا جد کہ پنجاب بورڈ ولوں میٹرک تے انٹرمیڈیٹ جماعت دا رزلٹ تیا ر کر لیا گیا سی پر صرف کابینا توں پالیسی دی منظوری دا انتظار سی۔ سیکرٹری ہائر ایجوکیشن پنجاب سید جاوید اقبال بخاری دے مطابق کرونا کارن کجھ بچیاں نُوں گریس مارک دین بارے پالیسی بنائی گئی سی‘ ساڈی ڈیڈ لائن اے کہ ہر صورت 16 اکتوبر توں پہلے پہلے رزلٹ دا اعلان کر دِتا جاوے۔