لاہور:کرونا  دے وار رُکے تے ڈ ینگی دی شدت وچ وادھا ،  اک دن وچ689 کیس رپورٹ ……٭رویل خبر٭

لاہور (نمایندا رویل) صوبائی راجدھانی لاہور وچ کرونا وایرس دی شدت وچ ہور کمی واقع ہو گئی اے جہدے نتیجے وچ منگل دے دیہاڑے 24 گھنٹیاں دوران کرونا وایرس دی چوتھی لہر 2 زندگیاں نگل گئی جد کہ ایس عرصے وچ کرونا دے ہور 166 نویں کیس وی ساہمنے آ گئے نیں۔ ایس طرحاں شہر وچ کرونا دے مثبت کیساں دی شرح بیتے دیہاڑے دے مقابلے وچ گھٹ ہو کے 3.3 فیصد ہو گئی اے۔ایس توں وکھ ہور شہر وچ ڈینگی بخار دی شدت روز بروز ودھدی چلی جا رہی اے۔ آنکڑیاں مطابق بیتے 24 گھنٹیاں دوران لاہور وچ ڈینگی بخار دے ہور 184 نویں کیس وی ساہمنے آگئے جہدے بعد لاہور وچ چالو ورھے دے دوران ڈینگی بخار وچ ا بندیاں دی گنتی 3 ہزار 437 ہو گئی اے جد کہ ڈینگی بخار دے 265 روگی شہر دے سرکاری تے نجی ہسپتالاں وچ علاج ہیٹھ نیں۔ نیشنل کمانڈ اینڈ اپریشن سنٹر (این سی او سی) دے آنکڑیاں مطابق پاکستان وچ بیتے 24 گھنٹیاں دوران کرونا وایرس دے ہور 689 کیس ساہمنے آئے نیں۔ ہور 18 بندے ایس موذی وبا دے ساہمنے زندگی دی بازی ہار گئے۔ ایہدے ہور اک ہزار 180 روگی شفایاب ہو گئے۔ مثبت کیساں دی شرح 1.62 فیصد ہو گئی اے۔