والد نوں جو ملنا چاہیدا سی او ہنوں ملن نہیں دِتا گیا: دھی ڈاکٹر عبدالقد یر ……٭رویل خبر٭

راولپنڈی (اُچیچا نمایندا) ڈاکٹر عبدالقدیر خان دی دھی ڈاکٹر دینہ نے کہیا اے کہ میرے والد نوں جو ملنا چاہیدا سی اوہ نہیں دِتا گیا۔ راولپنڈی وچ ہائی کورٹ بار وچ ڈاکٹر عبدالقدیر خان لئی تعزیتی ریفرنس ہویا جہدے وچ قرآن خانی ہوئی۔ مشیر وزیراعظم ڈاکٹر بابر اعوان تے ڈاکٹر عبدالقدیر دی دھی دینہ خان نے وی ریفرنس وچ رلت کیتی۔ ڈاکٹر عبدالقدیر خان دی دھی ڈاکٹر دینہ نے تقریب نال خطاب کردیاں ہویاں کہیا کہ میں بار دے سارے لوکاں دی شکر گزار آں کہ ایہ پروگرام منعقد کیتا۔ڈاکٹر دینہ خطاب کردیاں ہویاں آبدیدا ہو گئے۔ اوہناں نے کہیا کہ میری فیملی لئی ایہ وقت بہت مشکل اے‘ میرے والد نوں جو ملنا چاہیدا سی اوہ نہیں دِتا گیا‘ آس اے کہ آن والے ویلے وچ میرے والد دے کم نوں سلاہیا جاوے گا۔ میرے والد کراچی وچ علاج ہیٹھ سن تے لوک اوہناں لئی پھُل لے کے آندے سن۔ میں سارے لوکاں دی شکر گزار آں کہ میرے والد نوں اینی عزت بخشی۔