سخت سزاواں نہ ہون پاروں جنسی واقعات ودھے نیں: صوفیہ احمد ……٭رویل خبر٭

لاہور(نمایندا رویل)نامور اداکارا صوفیہ احمد نے پاکستان وچ بالاں تے سوانیاں دے نال جنسی زیادتی دے ودھدے ہوئے واقعات اُتے ہرکھ دا اظہار کردیاں ہویاں کہیا اے کہ میں پہلے ای کَہ چکی آں کہ جے ایہناں واقعات دی روک تھام کرنی اے تے ایہو جہے قوانین بنانے پین گے جہدے وچ اِک مہینے وچ ٹرائل مکمل کر کے مجرماں نُوں عبرتناک سزاواں دِتیاں جان۔ اوہناں نے کہیا کہ جہڑے کیسز میڈیا وچ ہائی لائٹ ہو جاندے نیں اوہناں اُتے شروع وچ تیزی نال ٹورا کاری ہوندی اے پر جدوں اوہ میڈیا دی نطراں توں ہٹ جاندے نیں تے ایہ کیسز اوہناں کیساں وانگوں اگے ودھدے نیں جو ایتھے معمول اے‘ عبرتنا ک سزاواں نہ ہون پاروں جنسی جرماں وچ وادھا ہویا اے۔