چرس نہیں پیندی قدرتی طور اُتے اکھاں ایہو جہیاں نیں: نور ظفر خان ……٭رویل خبر٭

اسلام آباد (نیوز ڈیسک) پاکستان شوبز انڈسٹری دی خوبرو اداکارا نور ظفر خان نے انکشاف کیتا اے کہ لوک سمجھدے نیں اوہ چرس دا نشا کردے نیں۔ نور ظفر خان دے اِک پرانے انٹرویو توں لیا گیا اِک مختصر جہیا کلپ سوشل میڈیا اُتے وائرل ہو رہیا اے جہدے وچ اوہ لوکاں دے اِک سوال توں بہت ناراض نظر آ رہے نیں۔ شو دے دوران مجمان ولوں سوال کیتا جاندااے کہ اوہناں دیاں اکھاں بلکل چرس ورگیاں لگدیاں نیں‘ کیہ واقعی تُسیں چرس پیندے او جہدا جواب دیندیاں ہویاں نور دا کہنا سی کہ اوہناں ایہ سوال کئی وار پُچھیا گیا اے‘ سوشل میڈیا اُتے ایہو کئی کئی کمنٹس آندے نیں‘ مداح سمجھدے نیں کہ اوہ چرس پیندے نیں‘ اوہناں دیاں قدرتی طور اُتے اکھاں ایہو جہیاں نیں