آریان خان نشے دا عادی اے: نارکوٹکس بیورو……٭رویل خبر٭

ممبئی (اُچیچا نمایندا) نارکوٹکس کنٹرول بیورو نے کہیا اے کہ آریان خان نشے دا باقاعدا عادی اے۔ ممبئی دی سیشن کورٹ وچ منسیات کیس وچ گرفتا ر بالی ووڈ کنگ شاہ رخ خان دے پُتر آریان خان دی ضمانت دی درخاست اُتے سنوائی جاری اے۔ سنوائی دوران این سی بی دے وکیل انیل سنگھ نے عدالت وچ کہیا ایہ حقیقت اے کہ آریان دے کولوں منشیات برآمد نہیں ہوئیاں پر ایہدا ایہ مطلب نہیں کہ اوہناں نُوں ضمانت ملنی چاہیدی اے‘ آریان خان دے نال گرفتار ہون والے اربان مرچنٹ دے کولوں جہڑیاں منشیات برآمد ہوئیاں اوہ ایہناں دوہاں دے استعمال لئی سن ایس لئی ایہناں نُوں ضمانت نہیں ملنی چاہیدی۔